खोलामा डुवेकी युवतीलाई बचाउन गएका युवकको समेत खोलामै डुवेर मृत्‍यु 

उदयपुर -जिल्लाको पूर्वी पहाडी गाविस कटुन्जेबलामा बाढीले बगाएर आइतबार साँझ दुईको मृत्यु भएको छ। स्थानीय थारखोलामा आएको बाढीले बगाएर कटुन्जेबबला-८ का १७ बर्षीय दिनेश थापा र २२ बर्षीया सरिता बस्नेतको मृत्यु भएको जिल्ला प्रहरी कार्यालय उदयपुरले जनाएको छ।

स्थानीय महेश पौडेलले बताएअनुसार आईतबार दिउसो परेको मुसलधारे बर्षापछि बाढी आएका बेला खोला तर्ने क्रममा दिउसो साढे ४ बजे दुवैलाई खोलाले बगाएको थियो। सरितालाई बगाएपछि उद्धार गर्न पसेका दिनेशलाई पनि खोलाले बगाएर दुवैको मृत्यु भएको प्रहरीले जनाएको छ।

दुवैको लास एककिलोमिटर तल राति ८ बजे स्थानीयले भेटाएर निकाल्दा मृत्यु भईसकेको जनाइएको छ। इलाका प्रहरी कार्यालय रामपुर ठोक्शीलाको एक टोली राति नै घट्नास्थल पठाइएको प्रहरी नायवउपरिक्षक मनोज यादवले बताए।