एसएलसी पूरक परीक्षाको नतिजा आउन ढिलो हुने

१७ भदौ, काठमाडौं । यसबर्षको एसएलसी पूरक परीक्षाको नतिजा ढिलो प्रकाशित हुने भएको छ । बाढी पहिरोले गर्दा उत्तरपुस्तिका परीक्षणका लागि तोकिएको ठाउँमा समयमा पुर्‍याउन नसकिएकोले परीक्षाफल ढिलो आउने भएको हो ।

धेरैजसो स्थानमा उत्तरपुस्तिका परीक्षण सुरु भइसके पनि केही ठाउँमा अझै बाँकी रहेकोले असोजमा मात्र परीक्षाफल आउने परीक्षा नियन्त्रण कार्यालय सानोठिमीले जनाएको छ ।
यस वर्षको एसएलसी पूरक परीक्षा साउन ३१ गतेदेखि भदौ ६ गतेसम्म सन्चालन भएको थियो ।