पूर्वाञ्चल अनिश्चितकालीन हड्ताल फिर्ता

हाम्रो संखुवासभा समाचारदाता

सुनसरी, अषाढ २७ - पूर्वाञ्चल क्षेत्रीय रंगशाला इटहरीमै निर्माण गर्ने सरकारको निर्णयपछि स्थानीय वासिन्दाले सुरु गरेको अनिश्चितकालीन हड्तालसहितको आन्दोलन आइतबारदेखि स्थगित भएको छ ।वजेटमै प्रस्तावित गरेपनि सुनसरी जिल्ला भनी स्थान नतोक्दा बिवाद भएपछि इटहरीसहित धरान र इनरुवासमेतले योजना माग्दै आन्दोलन सुरु गरेका थिए । पूर्वाञ्चल क्षेत्रीय रंगशाला इटहरीमै हुनुपर्ने माग गर्दै स्थानीय वासिन्दाले आइतबार पूर्वपश्चिम र कोसी राजमार्ग खण्ड ३ घण्टा चक्काजाम गरेका थिए । उनीहरुले शनिबार पनि आधा घण्टा सडकजाम गरेका थिए भने सोमबारदेखि अनिश्चितकालिन हड्ताल आह्वान गरेका थिए ।