संखुवासभामा दुर्घटना, १९ घाइते

हाम्रो संखुवासभा समाचारदाता
असार २३, खाँदबारी । संखुवासभामा हिजो साँझ भएको सवारी दुर्घटनामा परी चालक सहित १९ जना घाईते भएका छन । मानेभाज्याङबाट बाट चन्दनपुर तर्फ जादै गरेको ना १ च ८४०२ नंम्बरको महिन्द्रा जिप सडक बाट अचनाक खस्दा सितलपाटी १ डाढे भिरमा उक्त दुर्घटना भएको हो ।

दुर्घटनामा परी घाइते भएका १९ जना मध्ये ५ जनाको अवस्था गम्भिर रहेको छ । गम्भिर घाईते हुनेहरुमा संखुवासभा सितलपाटी ४ का तिलक कार्की सोहीस्थानका जिवन रोक्का ३० बर्षिय केशव दाहाल नविन वि क १४ बर्षिय किसन गुरुङ र १७ बर्षिय महेश निरौला रहेका छन ।
घाईते सबैको जिल्ला अस्पतामा उपचार भईरहेको छ भने गम्भिर घाईतेहरुलाई थप उपचारको लागी अन्यत्र लैजाने तयारी भईरहेको पूर्व क्षेत्रिय प्रहरी कार्यालय विराटनगरले जनाएको छ ।