नयाँ सरकार गठनको लागि ६ दिने म्याद

हाम्रो संखुवासभा समाचारदाता
१७ असार, । राष्ट्रपति डा रामवरण यादवले राष्ट्रिय सहमतिको सरकार गठनको लागि सहमति जुटाउन दलहरुलाई ६ दिनको समय दिनु भएको छ । सहमतिका आधारमा प्रधानमन्त्री चयन र मन्त्रिपरिषद गठनको आग्रह गर्दै उहाँले आउँदो २३ गते बुधवारसम्मको समय दिनु भएको हो ।

संविधानको धारा ३८ को १ अनुसार राष्ट्रिय सहमतिको सरकार गठन नभए राष्ट्रपतिले संविधानको धारा ३८ को २ बमोजिम बहुमतीय सरकारका लागि फेरि आह्वान गर्नुहुनेछ ।

प्रधानमन्त्री माधबकुमार नेपालले गठबन्धन सरकार गठन भएको १३ महिनापछि "शान्ति स्थापना र संविधान निर्माणमा सहज वातावरण बनाउन" भन्दै बुधबार राजीनामा दिनु भएको थियो । अर्को सरकार गठन नभएसम्म प्रधानमन्त्री नेपालले नै कामचलाउ सरकारको नेतृत्व गर्नुहुनेछ ।