शाहिकालीन मन्त्रीहरु पुगे पुर्वप्रधानमन्त्री भट्टराईको घरमा

शाहीकालीन सरकारका उपाध्यक्ष डाक्टर तुल्सी गिरी सहित प्रमुख राजावादी नेताहरुले आज कांग्रेसका संस्थापक नेता तथा पूर्वप्रधानमन्त्री कुष्णप्रसाद भट्टराईसंग भेटगरी स्वास्थ्य अवस्थाका बारेमा जानकारी लिनुका साथै राजनीतिक बिषयमा छलफल गरेका छन् । पूर्वप्रधानमन्त्री भट्टराईको सरकारी निवास ललितपुरको भैंसेपाटीमा आज दिउसो शाहीकालीन उपाध्यक्ष डाक्टर तुल्सी गिरी राष्ट्रिय प्रजातन्त्र पार्टी नेपालका अध्यक्ष तथा पूर्व शाहीकालीन गृहमन्त्री कमल थापा र राप्रपा नेपालका वरिष्ठ नेता विश्वबन्धु थापाले भेटगर्नुभएको हो ।

भेटमा तीन जना राजावादी नेताहरुले पूर्वप्रधानमन्त्री भट्टराईको स्वास्थ्य अवस्थाको जानकारी लिएको राष्ट्रिय प्रजातन्त्र पार्टीका वरिष्ठ नेता बिश्वन्धु थापाले जानकारी दिनुभयो । भेटबार्तामा उहाँहरुकावीच मुलुकको पछिल्लो राजनीतिक अवस्थाका बारेमा छलफल भएको स्रोतले जनाएको छ । त्यस क्रममा डाक्टर तुल्सी गिरी कमल थापा र विश्वबन्धु थापाले मुलुकलाई राजनीतिक दलहरुले राजनीतिक निकास दिन नसकेको भन्दै असन्तुष्टि जनाएका थिए । उनिहरुले मुलुकलाई राजनीतिक निकास दिन अब राजसंस्थाको आवश्यक्त रहेको धारणा राखेको स्रोतले जनाएको छ ।

पूर्वप्रधानमन्त्री भट्टराईलाई भेटगर्नु अघि हिजो उपाध्यक्ष गिरी अध्यक्ष थापा र वरिष्ठ नेता विश्वबन्धु थापाले पूर्वराजा ज्ञानेन्द्र शाहालाई निर्मल निवासमा गएर भेटगरेका थिए । त्यस क्रममा उहाँहरुकावीच मुलुकको पछिल्लो राजनीतिक अवस्थाका बारेमा छलफल भएको बुझिएको छ ।